Shillong, Nov 25: Meghalaya Food Safety Department, Oral Rehydration Salts (ORS)-ni bimungo label ka·gipa ringaniko manderangni ma·sisrete jakkalsretenganina, bimungko dingtangatchi a·dok gimiko ia ringaniko tarienggipa karkanarangna u·iataha.
Ia u·iataniko, ORS formula jekon be·eno chi ran·ako namatna jakkalgipa ine chanchie ramram tarigipa ORS-ko bilsi 8 ong·kuenggipa bi·sana on·a jakkalrongengani gimin Medical-o ka·enggipa mande saksani badi ka·ani ja·man, ia ringani bimungko dingtangate tariskachina Food Safety and Standards Authority of India (FSSAI)-oni ge·etani ja·man u·iataha.
Food Safety-ni Assistant Commissioner DBS Mukhim, ian brand-ni bimungko ORS ine donani gimin manderang ma·sisrete ORS formula ine jakkaltokenga, uni gimin pilak retailer aro distributor-rangnaba uamangni bosturangko ra·galchina aro uarangko tarigipa karkanaona ra·angpilchina u·iataha ine aganaha.
Ia ra·anggimin bosturangni bimungko dingtangate gital label-ko tapchina karkanarangonaba u·iataha ineba ua aganaha.
WHO-ni on·gipa ORS formula-ko be·eno chi ran·ako namatna jakkala aro ian FSSAI-oni on·enggipa licence-ko nangja aro iako cha·a ringani ineba chanja ineba Department parakataha.
Iandake ORS ine apsan brand-ni bimungo ringanirangko tarigenchimode, salantio bree ringna jakkalsretaona sokgen ineba uamang janapataha.
Na·simang iakoba nina man·gen:
Na·simang iakoba poraina man·gen: SWGH-ni mongsonggipa project-rangko Estimates Committee nianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
