Guwahati, Jan 6: Mongolbar salo Assam-ni Congress-ni dilgipa Debabrata Saikia a·dokni BJP sorkariko Orunodoi scheme-ni ning·o January-o gamna nanganirangko on·kujani bidingo janapenba, dakchakaniko man·enggipa nokdangrangna jaantin tangka-paisarangko nanggenchimode gamanirangko maina dakkujaenga ine sing·doaha.
Jaanti gamenggipa gong 1,250-ara gamchata ine sorkari aganronga indiba somoi gita on·na man·ja inenba, lak 30-mang cholgri-apgri nokdangrang ia tangkarango pangchake janggi tangenggiparangara maikai choligen ine ua Assamni Skotong Minister Himanta Biswa Sarma-ko jaksi ote aganangaha.
Orunodoi scheme-ni gita cholgri-apgrigipa me·chikrangna aro specially-abled manderangna japrako gong ₹1,250 dake on·enga. Ia scheme-ni ning·o lak 37-mang manderangna dakchakaniko on·enga aro iani a·selan Assam-o me·chikrang BJP-na bilaken chakrimtokenga ine bang·a manderangan agantokenga.
Ia scheme-ko me·chikrang namniktokani gimin Congress-ni dilgiparang iani bidingo matnangjachina ine aganani ja·mano Saikia iandake parakatanirangko dakaha.
Bilsi gitalo kobor ra·timgiparang baksa agangrikanirangko dakani somoio, January-o gamna nanganiko dakjawa, indiba janggi tangani cholrangko dakchakna February jao tangka gong ₹8000-ko “Bohag Bihu-na on·sogipa boksis” dake on·gen ine Sarma parakatahachim. Ianoni gong ₹5000-de Orunodoi-ni ning·o January-oni April ja-ona on·gipa ong·a aro unbaksana gong ₹3,000 Bihu-na on·gipa ong·gen.
Iandakgipa ja·ku de·aniko jegale, Congres bil-ona re·bagenchimode, uamang changsano tangkarangko manderangna on·aigija, manderangko bil gnangatna nokdangprakna janggi tangani cholrangko on·na programme-rangko a·bachengatgenchim ine Saikia aganangskaaha. Uandake ua Bihu-na skang tangka on·aniko “Vote puonatna budi dakani” ine janapaha.
Assam-ni Asembly election-rang sepangrikrikbaengon, Congress aro BJP dolgnian politics-o an·tangtangni ja·ku de·anirangko batataha, aro uamangni campaign-rango manderangna namgnirangko ra·bagipa scheme-rangko aro voter-rangna dakchakaniko mongsonggipa ong·e dakenga.
Na·simang iakoba nina man·gen:
Na·simang iakoba poraina man·gen: A·kuangchi gari ga·aksruange sakbri manderang sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
