Shillong, Oct 27: University of Science & Technology Meghalaya (USTM)-o PA Sangma International Medical College & Hospital-na National Medical Commission (NMC)-ko ra·chakanio, Meghalaya a·dokni Chief Minister Conrad K Sangma-ba bak ra·angaha.

Ia tom·anio a·dokni Chief Minister baksana, Health Minister Ampareen Lyngdoh, Power Minister AT Mondal, Shella MLA Balajied Kupar Synrem, PA Sangma sagini jikgipa aro Chief Minister Conrad K Sangma-ni ma·gipa Soradini K Sangma aro USTM-ni Chancellor Mahbubul Hoque-ba dongpae  bak ra·angtokaha.

Ia tom·anio a·dokni Chief Minister, jinmana aganprakengon, ia medical hospital-na NMC-ko man·ahani gimin USTM-na an·tangni namgipa skaniko on·angenba, tikkele kamrangko ka·ahani giminsa ia dam 150 seat donggipa medical college-na NMC-ko man·aha ine parakataha.

Sangma-ni aganani gitade, 2008 bilsio USTM Bill-ko pass ka·na gita kamrangko ka·engmiting somoioba uaba kam ka·gipa dolni bak ong·paachim.

Chadamberangko mande ong·atna tangka paisarangko koros ka·anichi bang·en namgnirangko man·ani giminsa uni pagipa PA Sangma sagi, chadamberango tangka paisa koros ka·aniko bebera·gipa ong·a ineba ua aganaha.

PA Sangma sagi, Dr Donkupar Roy sagi aro uandakgipa dingtang dingtang dilgiparangni janggi tangani gimin janapangengon, da·alo chadamberang, ia dilgiparangni kamrangkosan ong·aigija uamangni bamgipa ong·ani aro gamchatgipa ong·aniko skie ra·na man·a ine Chief Minister aganaha.

Meghalaya a·doko an·seng baljokaniko on·ani kamrango bang·en neng·nikanirang donggenchimoba da·o bewalan namdapaniko nikna man·engaha ineba ua aganaha.

Iana skang, USTM-ni Chancellor Mahbubul Hoque, jinmana rimchaksoani kattarangko aganangengon, ia university-o a·dokni gitcham Chief Minister Dr Donkupar Roy-ko gisik ra·na gita dental college-koba kuligen ine parakataha.

Na·simang ia video-koba nina man·gen:

Na·simang iakoba poraina man·gen: Tripura-o me•chikma saksani manggisiko uni nokoniko man•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub