Williamnagar, December 12: A·chikrangni matgrik Pa Togan Nengminjani siaoni bilsi 151 gapgipa salko Chisobibrao maniaha. Ia tom·aniona a·dokni PHE Minister Marcuise N. Marak mongsonggipa sokgipa ong·aha aro GHADCni Deputy CEM Nikman Ch. Marak mande ra·ako man·na kragipa ong·aha. Ia manianiona Meghalaya a·dokni Governor, Paghu Chauhansa mongsonggipa sokanide ong·achim, indiba ua been an·senggijaniko man·e, Commissioner and Secretary to the Governor, Dr. B.D.S. Tiwari (IAS)ko watatskaaha. Ia tom·anio, East Garo Hills a·jani DC, Vibhor Aggarwal, East Garo Hillsni ADCrang, sorkario ka·gipa officerrang, schoolni principal aro skigiparang, nokma-sordarrang aro wilwilao donggipa manderang bang·bee sokbatokaha.

Programni skanggipa bako, mongsonggipa sokgiparangni jakchi nitogipa bibalrangko Pa Togan Nengminja ni mangkrongo done mande ra·aniko dakangaha. Joljol Williamnagarni police dolrang ma·gitcham-pagitcham rangni mande ra·ani bewalo slai goe Pa Togan Nengminjako mande ra·aniko dakaha.

Governorni watatako man·e re·bagipa Dr. B.D.S. Tiwari, pilakan Pa Togan Nengminjani an·tangni asong-chigatangna ka·saa gita ka·sana nanga aro pangna jolnan asongtang-chigatangna aro India a·songna Pa Togan Neminja gitan ka·sana nanga ine jinmana aganaha.

Tom·anio, Garo Hills Autonomous District Councilni Deputy CEM Nikman Ch. Marak, A·chikrangni itihasni gimin agantalate, da·ororo minga-deanirango ong·gija dake jakkalengani gimin mikrakataniko on·aha.

Rongbing A·potni Lolith R. Sangma sagi, Rongjengni Ohindro B. Marak sagi, Chiokgreni Smt. Hebbaline R. Sangma aro Grethalline R. Sangmamangna, uamangni on·gilanina mande ra·aniko mesoke, upadiko uamangni nokdangni manderangna on·aha.

Tom·anio mongsonggipa sokgipa ong·e aganengon, Marcuise N. Marak dingtangmancha Meghalaya a·dokni Governorko mittelchengaha. Unbaksana, ia tom·anio, upadiko mai miksonganio on·enga uko talate, sakantikon ia upadiko man·gipa aro Pa Togan Nengminjani nokdangni manderangoniko sakantikon skie ra·china gita didiangaha.

Tom·aniko gisik ra·kamgni ong·atna gita, Williamnagar jolni school bi·sarang ka·srokbee gitrangko ring·aha aro chrok-mesaaha.

Iakoba poraie nina man·gen: Gangtok-o Dalai Lama-ni skiprakaniko knatimna sak 30,000 manderang tom•chimonga

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub