Shillong, Apr 28: Kashmir a•dokni Pahalgam-o bobil dake chakatgipa manderangni, dosgri manderangko skatang goe so•otaniko jegale aro so•ota man•gipa manderangna kalimpaaniko mesokna gita Sombar salo Shillong Citizens Forum (SCF), Shillong songjinmani wilwilao donggipa dokkanrangko chipattokaha aro dokkanrangko chiptokani a•sel Khyndailad (Police Bazar) aro Iewduh (Bara Bazar) jolrango bangbang ong•aniko nikna man•aha.
Dokkanrangko chipatanio, Barabazar Merchants & Shopkeepers Association-ba bakrimpaaniko on•e, association-ni ning•o donggipa pilak membor-rangkon, ia a•sel ong•aniko jegalna aro kalimpaaniko mesokna gita an•tangtangni dokkanrangko chipe donchina didiangaha.
Iana skang, Robibar attamoba SCF-ni gita, dingtangmancha Pahalgam-o so•ota man•gipa manderangna kalimaniko dakna gita Khyndailad-o donggipa gitcham Assembly building mikkango, jinma mombatirangko so•e tom•aniko ong•atangaha.
Indake ong•engon, Pahalgam-o a•sel ong•anina iandake dokkanrangko chipdraatani gimin Hynniewtrep Integrated Territorial Organisation (HITO) aro songsalni mitam manderang, SCF aro gipin dolrangko matnangatskaenba, dokkanrangko chipanide an•tangtangni skaniosa ong•na nangaiachim ine parakattokaha.
Meghalaya Pradesh Mahila Congress (MPMC)-ba iandake dokkanrangko chipdraatahani gimin SCF-ni kamna suk ong•gijaniko janapataha aro iandake dokkanrangko chipdraatanichi, salanti dokkan dake cha•enggipa manderangni janggi tanganio neng•nikaniko ra•baani gitasa ong•enga ine parakataha.
Na·simang ia video-koba nina man·gen:
Na·simang iakoba poraina man·gen: A·songo ma·chakenggipa Chin jatni dilgiparangko Mizo MP gronga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
