Shillong, Apr 3: April 5 tarikoni 10 tarikona Himachal Pradesh Bir Billing-o ong·atenggipa Paragliding Accuracy Pre-World Championship-o Shillong songjinmani Mawprem-o donggipa Jovial Andre Laloo-ba bak ra·na gita tarisamsoengaha.
Ia Billing-Himachal Pradesh-ara paraglide ka·anio chubatsranggiparangoni gnigipa ong·enga, jeon Bir-ara bilonchakani aro Billing-ara bilchakatani biap ong·a.
Paraglide ka·enggipa pilot-rang, Billing-oni bilchakate, Bir-o bilonna gita nanggen aro je mandean donsogimin nisano bilonna gita man·genchim, ukon chegipa ine changen.
Ia susaanio dingtang dingtang round-rang donggenchimoba, je mandean dongimin nisano ba sepangbate bilonna man·gen, uan score-ko man·e chegipa ong·gen.
