25.7 C
Tura

Scooty cha•ugipa mandeko police-rang rim•a

Must read

Tura, Jan 31: Bristibar salo, New Tura-o donggipa TVS showroom-oniko scooty cha•ue katgipa mandeko police-rang rim•na man•aha aro uni cha•uanggipa scooty-koba man•pilaha.

Rim•ako man•gipa mandeara bilsi 23 ong•gipa Sengdobirth T Sangma ong•achim aro ia a•selni bidingo FIR ka•ani ja•man police-rang, cha•ugipa mandeko am•sandiangenba, Rongram police station-ni ning•o donggipa Migre songoniko rim•na man•aha.

Bristibar walni 9:30 bajimango, TVS showroom-ni mande sakbonga, police sakgni baksa ia mandeni cha•ue katgipa scooty-koba, ia mandeni nokonikon man•pilaha.

Ia a•selni bidingo TVS Showroom-ni manager Mokhash Hajong, Hub News-na talate on•angengon, Bristibar salni 12 bajimango ia mande, New Tura-o donggipa TVS showroom-ona re•angenba, Ntorq 125 scooty-ko sale nina bi•ahani gimin uni lekkarangko on•china uamang uoniko bi•aha ine aganaha. Ia mandeni lekkarangko bi•on, uni bag-ko uamango on•enba uni pilak nangchongmota lekkarang ia bag-on donga ine aganahani gimin uamang uo ka•dongenba, una scooty-ko sale nina on•ataha ineba ua aganaha. Indake ong•genchimoba, scooty-ko sale nina re•angaoni ata konta ong•pilahaoba ua re•piljahani gimin showroom-ni manderang, uni donanggipa bag-ko kulie nion ia bag-o mamingkoba man•jaha ine showroom-ni manager aganaha.

Advertisement

Iani ja•man bakan TVS showroom-ni manager, police-rangna u•iataha aro Araimile Beat House-o FIR ka•aha.

FIR-ko man•soa bakan police-rang, ia mandeko sandina a•bachengataha aro CCTV-o man•rikgipa video-ni dakchakanichi ia mandeko Asanang jolo donggipa Migre songoniko rim•na man•aha.

Police-rangni u•iatani gitade, ia mande, an•tangni cha•uanggipa scooty-o Assam-ni registration number plate-ko chatahachim.

Ia a•sel ong•ani ja•man police-rang, Tura police station-ni wilwilao nirok sandianirangko dakenba, bol 10-na baten cha•ugimin bike-rangkoba man•aha ine u•iataha.

Na·simang ia video-koba nina man·gen:

Na·simang iakoba poraina man·gen: Tin•kagimin suri-rang jronganichi Teesta Valley-na chi ban re•taianina kenchakani gnang

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

More articles

-->
-->

Latest article