Shillong, Jul 7: Foreign Contribution (Regulation) Amendment Bill, 2026-ni bidingo Union Home Minister Amit Shah-ko gronge agangrikna gita New Delhi-ona re•dilangahani gimin Presbyterian Church of India (PCI), North East India Christian Council (NEICC), Shillong Archdiocese, aro Garo Baptist Convention (GBC)-ko man•chape salgro salaram a•dokrango donggipa dingtang dingtang Kristian mondolirang, Meghalaya a•dokni Chief Minister Conrad K Sangma-ko mittelpilangaha.
Union Home Minister-ko gronganio salgro salaramni dingtang dingtang mondoliko dilgiparang, FCRA-ko taridapanichi, maikai Kristian mondolirangni chalaienggipa skulrangna, hospital-rangna aro songsalna dangdike on•enggipa dolrangna nangchakeaniko ra•bagen, uarangni gimin agangrikangaha aro FCRA-ko taridapanio, Kristian mondolirangni, mongsongbate salgro salaram jolrango Kristian mondolirangni kamrangkoba niatchina gita mol•molangaha.
Indake ong•engon, salgro salaram jolo donggipa dingtang dingtang Kristian mondolini dilgiparangko apsan rimange, Union Home Minister baksa agangrikdileahani gimin NEICC-ni ning•o donggipa Trust Management Committee-ni membor Rev Amminot T Sohliya, Chief Minister Conrad K Sangma-ko mittelpilangaha.
Ru•uta bilsirangonin salgro salaram a•dokrango Kristian mondolirangni chalaienggipa skulrang, hospital-rang aro dingtang dingtang dolrang, jolo songdongenggipa manderangna bang•en namgniko ra•baaha aro FCRA-ko taridapna nanggenchimode, ian jolo songdongenggipa manderangnaba bang•en gimaani ong•gnok ineba Rev Sohliya aganaha.
FCRA Amendment Bill 2026-ko ra•galpilna ba nipiltaina gita jekai Kerala Legislative Assembly-o resolution-ko pass ka•aha, apsan daken Meghalaya Assembly-oba resolution-ko pass ka•china gita Kristian mondolirang, a•dokni Chief Minister aro a•dokni MLA-rangko mol•molangaha.
Na·simang iakoba nina man·gen:
Na·simang iakoba poraina man·gen: Byrnihat-o balwa moila dakaniko champengna joint committee-ko songa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
