Shillong, Jul 7: Ri Bhoi a•jani Byrnihat jolrango balwa moila dakanichi manderangna nangchakeaniko ra•baenga ine badi ka•anirangko man•ani ja•man, balwa moila dakaniko champengna gita a•dok sorkari, joint committee-ko songe donangaha.
Sombar salo, a•dokni Cabinet Minister aro Jirang MLA Sosthenes Sohtun, Meghalaya State Pollution Control Board (MSPCB), Byrnihat Industries Association, Meghalaya Industrial Development Corporation (MIDC) aro songni nokni dilgiparang baksa tom•e chanchirimangani ja•man Byrnihat jolrango balwa moila dakaniko champengna dingtangmancha joint committee-ko songna tik ka•angaha.
Ia tom•anio, Byrnihat jolrango donggipa dingtang dingtang songni nokni dilgiparang, karkanarangoni wal•kurangko watanichi, balwarang moila ong•atako man•enga aro ian manderangni an•seng baljokanio nangchakeaniko ra•baenga ine suk ong•gijaniko parakangtokaha.
Indake ong•engon, Byrnihat jolrango balwa moila dakaniko bilakbate nirok sandina MSPCB-ni official-rang aro songni nokni dilgiparang baksa dingtangmancha joint committee-ko songe donangaha.
Byrnihat jolrango balwa moila ka•aniko nambate nirokna gita regional office-ko kulichina MSPCB-ba ia tom•anio ku•pattianiko on•angaha aro iani bidingo Minister Sohtun, Chief Minister Conrad K Sangma baksa agangrikna ku•rachakaniko on•angaha.
Na·simang iakoba nina man·gen:
Na·simang iakoba poraina man·gen: Akhil Gogoi, Assam Assembly Budget Session-ni 2-gipa salo E20 fuel policy-ni kosako jegalaniko dakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
