Shillong, July 7: Sombar salo, Department of Horticulture-ni ong·atgipa Distribution Programme-o South West Garo Hills-ni sak 100 mangni gita game ge·e cha·giparang, gama ge·ani bosturangko man·aha.
Chief Minister’s Farm Plus Scheme-ni ning·o, Raksanara, Kalaichar, Balughat, Josipara, Merengapara, Chibongnara, Taranara aro Garagre songni game ge·e cha·giparang golmuris, cashew nut aro dal chini-rangko ge·ani bosturangko man·aha.
Mission for Integrated Development of Horticulture (MIDH)-ni ning·o Kumligaon-o namgniko man·giparang dragon fruit bite-rangko ge·ani bosturangko man·skaaha.
Una agreba, game ge·e cha·giparang me·su bitchilrang, bite nanggipa bol chara-rang, mande ba matburingrangna nangchakea grigipa me·su samjakrangna satgipa bio-pesticide sam-rang, ong·telaigipa a·salrangko tarichakani vermicompost beds, me·su samjakrangko pindapani nikprotgipa plastic-rang aro gama ge·anina chi satgipa bosturangkoba man·soaha.
Ia program-ko ong·atani miksonganiara horticulture ba bolam bite-rang ge·ani, samgri gama ge·ani, dingtang dingtang mi misi-rangko ge·aniko dakchina didianiko on·an baksana game ge·e cha·giparangna pangkamgipa tangka paisa man·a dakchakaniko on·anian ong·a ine official-rang u·iataha.
Na·simang iakoba nina man·gen:
Na·simang iakoba poraina man·gen: FCRA Bill-ni bidingo Home Minister-ko grongdilanina Kristian dilgiparang, CM-ko mittelpila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
