Shillong, Oct 17: Pekatgipa samrangko jakkalanirang a·doko batroroengon, chadamberangni ong·gijaona sokanganiko aro niam gri drug badinganirangko champengna gita dingtang dingtang dolni manderang baksa tom·anirangko ong·atenggipani bak gita Mongolbar salo tom·e chanchirimangtaianio, a·dokni Social Welfare minister Pa Paul Lyngdoh, ia tom·anio uamang dingtang dingtangni gimin chanchirime tik ka·aniko dakangaha ine parakataha.
“Niamni kosako dakbadee pekatgipa samrangko skatang badinganirang West Shillong constituency-o batengani gimin aro ia jolni bang·bata biaprango pekatgipa samrangko niam gri badingenga ine badi ka·anirangko man·jringengani gimin ia a·jaoni a·bachenge chinga Dorbar shnong-rang baksaba chanchirimaha, uandake, pekatgipa samrangko badinggipa manderangko rim·na gita police-na dakchakanio ba koborrangko on·anio dorbar shnong-rangni chagrongenggipa neng·nikanirangko man·chape nangchongmotgipa kattarangkoba chinga uamangoniko knatime ra·na gita man·aha ine Pa Lyngdoh aganangaha.
Ia chanchirimanio uamang, song ba gittimko ia kamo bak man·chapatna DREAM mission statement-o janapgimin gita dorbar shnong, chong·motan song ba gittimni dilgiparangko ia rakbegipa kamo bak man·atani gimin uamangni chanchirime tik ka·aniko minister janapatan baksa, state level committee-ko a·dokni skotong minister Pa Conrad K Sangma-chi dilani giminba uamang chanchie tik ka·aha aro state level committee-ni tom·aniko bakan ong·atna man·na gita skotong minister-ko gronge agangrikanggnikoba minister agan-talatjolaha.
Iakoba poraie nina man·gen: Chadamberangna janggi tangani cholrangko on•na sorkari ‘policy’-ko tarina nanga: CM
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
