New Delhi, Jun 24: Sombar salo, a•songni Prime Minister Narendra Modi, chang 18-gipa Lok Sabha-ni membor ong•e ku•mikchetangaha aro uni ja•man gipin Union Minister-rang aro Lok Sabha-ni gital MP-rangba ku•mikchetangtokaha.
Seoka man•gipa gital MP-rangni ku•mikchetaniko Lok Sabha-ni Pro-tem Speaker Bhartruhari Mahtab dilangaha.
Gital MP-rangni ku•mikchetna skang, BJP-ni MP Bhartruhari Mahtab-ko chang 18-gipa Lok Sabha-ni pro-tem Speaker ong•e ku•mikchetataha aro uni ku•mikchetaniko, a•songni President Droupadi Murmu dilangskaaha. Pro-tem Speaker-ni ku•mikchetaniko Rashtrapari Bhavan-o ong•atangaha aro uni ku•mikchetanio, a•songni Prime Minister Narendra Modi-ba dongpae bak ra•angaha.
Congress MP K Suresh-ni pal BJP-ni MP Bhartruhari Mahtab-ko Lok Sabha-ni pro-tem Speaker songskaahani gimin suk ong•gijaniko mesokna gita gital MP-rangko ku•mikchetatna gita skanggipa session-ko ong•atanio Congress aro INDIA block-ni MP-rangde bak ra•tokskajaha.
Chang 18-gipa Lok Sabha-ni skanggipa session-ko Sombar salo a•bachengataha aro ia session-ko July 3 tarikona kingking ong•atangegen. Lok Sabha-ni gital Speaker-ko seokna gita June-ni 26 tariko election-ko ong•atanggen aro uni ja•man June-ni 27 tariko a•songni President Droupadi Murmu, Lok Sabha aro Rajya Sabha-ni nangrime ong•atna sienggipa session-o jinmana aganprakanggen.
Lok Sabha-o Opposition dolni dilgipakoba bilsi 10-ni gisepo da•o skanggipa changna seokanggen.
Na·simang ia video-koba nina man·gen:
Na·simang iakoba poraina man·gen: Rang•san jimbee mikka waanichi Itanagar-o a•a be•a aro chi ban re•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
