24.6 C
Tura
spot_img

Toromko dilgiparangni bimingo social media gita cha•bokna jotton ka•enga

Must read

Williamnagar, Jun 24: Ia sal somoirango social media-rang gita manderangko cha•boke ra•anirang batroroengon, adita salrangna skangmangmang Williamnagar-ni Simon George S Marak-onikoba, Catholic pamong Fr Nicholas Sangma-ni bimingo Facebook gita friend request watatenba cha•boke ra•na jotton ka•aha.

Advertisement

Fr Nicholas Sangma-ni bimingo friend request watatako ra•chakon, tangka paisani gita dakchakaniko on•china mol•mole watatgipa message-ko man•soahani gimin Simon, chanchichipani ong•katenba, ia mandeni bidingo name am•sandichengna tik ka•aha. Fr Nicholas-ni bimingo gong 30,000/- tangkako bi•atenba uko cha•bokna jotton ka•enggipa mande, 6913917389 nombor-ona G-pay ka•atchina aganataha.

Ia number-ko Simon, True Caller app-chi am•sandion, ia nombor-ara Anil Wansene minggipa mandeni nomborsa ine ma•sina man•aha aro tangka bi•atgipa mandeko iani bidingo sing•sandiaton, ia nomborara uni ripengnisa ine ua aganchakataha. Iani bidingo talbate ra•na gita Simon, uni ripengni bimingko sing•aton ua bimingko Mukesh Pal ine aganatskaaha.

G-pay nomborni bidingo am•sandiangkuon, Mukesh Pal minggipa mandeni bimingara ia nombor baksa bak donga ine Simon ma•sina man•aha indiba ian tol•gipa account-sa ong•na nanga ine ua ma•sienba, bimingko Jiarul Islam inesa mesoka ine ua mande aganchakataha.

Ia bimingko cha•bokna jotton ka•enggipa mandena sechakaton ua mamingkoba Simon-na aganchakattaijaha.

Advertisement

Batanggimin somoirangoba iandake a•songko aro jatko dilenggipa manderangni bimingo aro dal•dalgipa official-rangni bimingo social media-rang gita iandake manderangoniko cha•boke ra•na jotton ka•anirangko nikna man•ahachim.

Advertisement

Da•o iandake cha•boke ra•na jotton ka•enggiparang, toromni dilgiparango manderangni ka•dongani aro bebera•aniko nike, uandakgipa manderangni bimingoba social media-rang gita cha•boke ra•na jotton ka•skaengahani gimin manderangko mikrake dongchina aro social media-rang gita tangka bi•atanirangko bebera•jachina didiataha.

Iandake cha•boke ra•na jotton ka•anirangko nikgenchimode ta•raken police-rangna u•iatchina gitaba manderangko didiataha.

Na·simang ia video-koba nina man·gen:

Na·simang iakoba poraina man·gen: Rang•san jimbee mikka waanichi Itanagar-o a•a be•a aro chi ban re•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article