Imphal, Sept 9: Mongolbar salo, Manipur-ni sipai dolrang bakrime a·doko am·sandianirangko dakon, sak-14 bobil dake chakatgipa dolrang, drugs badingsrukgiparang aro niam-gri chu tarie palgiparangko rim·aha.
Uandake, uamangoni People’s Liberation Army (PLA), Kangleipak Communist Party (KCP) aro People’s Revolutionary Party of Kangleipak-na (PREPAK) baksa jak donggipa sak-11 manderang ong·a. Una agreba police dolrang ge-5 silchidarerang, pekgipa bosturang aro dakgrik-dinggrikanio jakkalgipa bosturangkoba man·aha.
Re·anggipa antini gisepo Army, Assam Rifles, aro Manipur Police-ni bakrime sandianirangko a·ja dam-sni chong·motan- Churachandpur, Bishnupur, Chandel, Thoubal, Kakching, Imphal West aro Imphal East-o am·sandianirangko dakangaha ine sipai dolrangoni saksa parakataha.
Imphal West-o, sakgittam PLA aro KCP-rangoni manderangko dokprete tangka-paisarangko ra·e katanina matnangako man·giparangko rim·aha. Sipai dolrang motorcycle-rang, mobile phone-rang, adita SIM cardrang, aro Aadhar aro PAN card-rangkoba man·aha.
Churachandpur a·jao, police dolrang sakgni drugs badingsrukgiparang- Thanglunpau Sukte (32) aro Hauginlian Phaipi-ko (35) Guite check gate-oniko rim·aha aro uamangoniko ge-176 sabon donchakgiparango chipgimin kg 1.9 brown sugar-ko gari donnue donako man·aha. Imphal East-oniko sakgipin mande Arimbam Mansish-oniko kg 1.94 ganja-ko man·e uko rim·aha.
Prime Minister Narendra Modi-ni Manipur a·dokona re·bana skang, songsar-ni kosako bobil dake chakatgipa dolrangko sandina police-rang krengbate kamrangko ka·engaha.
“Chinga a·dokni bang·a kona-noksikrangoniko drugs badingsrukgiparang aro bobil dake chakatgipa dolrangko rim·aha. Iandake songsarna namgijaniko ra·bagipa dolrangni ka·mikkenatanirangko komiatna chinga man·a dipet kamrangko ka·enga”, ine police official saksa aganaha.
Na·simang iakoba nina man·gen:
Na·simang iakoba poraina man·gen: NGH-o gimagipa bilsi 6-ni me·chik bi·sani case-ko sorkari mongsonggipa ong·e ra·enga : Tynsong
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
