Tura, Jan 29: Lok Sabha-ni Member of Parliament, Agatha K Sangma, PMKSY-WDC-2.0 GIMI Watershed-ko, West Garo Hills a•jani Demdema, Community and Rural Development Block-ni ning•o ong•gipa, Rongadatgre songo, Soil and Water Conservation Minister, Govt. Of Meghalaya, Marcuise N Marak, Department-ni officialrang aro ua jolo songdongenggipa manderangni dongpaanio, Sombar salo a•bachengate on•angaha.
Indake ia Programme-ko a•bachengatani somoio aganprakengon, Agatha K Sangma, a•dokni dingtang dingtang biaprango namroro silroroanina on•enggipa dingtang dingtang scheme-rangko on•ani gamchatani gimin aro ia scheme-rangko on•anichi, mikkangchi manderangni janggi tangani gadangrangko tang•doatna ka•dongsoenga ine talate on•angaha. Indake, Gue baganko dakani namgijanirangni gimin aganengon, uarangni palo game ge•e cha•skana aro a•doko man•enggipa ong•telaigipa gamrangko ripinge rakkiangna ineba ua aganangaha.
Soil and Water Conservation-ni Minister, Marcuise N Marak-ba, PMKSY Scheme-ara ma•mongoni on•enggipa scheme ong•a jeon, manderangni namgnina aro silroro namroroanina ong•telaigipa gamrangko ripingna, chiko ripingna, aro songadam nokadamrango manderangni janggi tanganiko tang•doatna gita game ge•e cha•anirango bariatna ine miksonge, chol on•aniba ong•a ine janapatan baksa, ia scheme-na Soil and Water Conservation-ni ning•o DOLR, MORD, Govt. of India-ni gita tangka paisako dakchakenga ineba ua janapataha.
Indake, re•baenggipa 2028 bilsini gisepo, Skotong Minister Conrad K Sangma-ni niksamsoa gita, uni dilengani ning•o billion 10-mangni gita manderangni dingtang dingtang janggi tangani gadangrango tang•doaniko nikna gita ka•dongsoenga ineba ua agandapataha.
Iani gisepon, Soil and Water Conservation, Tura-ni Divisional Officer, Charseng Marak, ia scheme-ni gimin talate on•an baksa, Livelihood and Micro Enterprise-ni gita, Self Help Group-rangna, game cha•enggipa manderangna aro gipin training programme-rangna tangka paisani gita dakchakaniko on•enga ineba janapangaha.
Ia tom•anio, mongsonggipa sokgipa, Self Help Group-rangna cheque-rangkoba suale on•angaha.
Iakoba poraie nina man·gen: PMGSY-ni kamrangko PWD Minister nipilanga
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
