Guwahati, Feb 9: Assam Pradesh Congress Committee (APCC)-ni President Gaurav Gogoi, political a·bao bi·sarangko man·chapatengani gimin Skotong Minister Himanta Biswa Sarma-ni kosako ian dugagipa kam ong·a ine matnangataha.
Political a·bao dilgiparangni giseposan ong·na nanga ine janapatengon, bilsi 5 aro 9 ong·kuenggipa bi·sarangko man·chapatenganiara dugaaenga, uasan ong·aigija ua an·tangko target ka·genchimoba chakna man·genchim indiba bi·sarangko, Congress dolna kam ka·giparangko aro ramram manderangko man·chapatenganikode chakna man·jawa ine Gogoi aganaha. Unbaksana, iandakgipa kamrangko ka·angkuode ua an·tangan iani gimin jako ra·e kam ka·anggen ineba mikrakataniko on·ataha.
Gogoi-ni Pakistan-ona re·angani gimin sing·doan baksa Special Investigation Team-ni report-ko Sarma on·anina Gogoi aganchakengon, Skotong Minister ua gipin a·songna kam ka·enggipa ine kakketgipa sakkirangko on·a man·jaha ine aganskaaha.
Unbaksana, iani bidingo SIT, September 10 tarikon report-ko on·gen ine Skotong Minister ku·rachakahachim indiba uarang chu·sokna man·jaha ine aganan baksa, sorkari SIT songa man·gipa ong·eba maini gimin kakket sakkiko on·a man·ja ineba Gogoi sing·doataha.
Congress MP Pradyut Bordoloi aro Rakibul Hussain-ba Gogoi-na chakpae aganengon, iandake Skotong Minister-ni matnanganirangara voter-rangko an·tangona salna miksonganio ong·a ine janapataha.
Social media-o Skotong Minister aganchakatskaengon, Pakistan-o donggipa Rawalpindi a·jao donggipa Takshashila (Taxila)-ona jean Pakistan Army-rangni General Headquater-ba ong·a, unona Gogoi-ni songreangani gimin, uni songreani visa-ara Lahore, Karachi aro Islamabad-onasan ong·ode maikai re·angna man·a ine aganan baksa, Pakistan-ni Immigration rule ba niamni ning·o janapani gita visa-o on·gimin biapna badee songreahaode niamni a·palo ong·a ine Sarma aganaha.
Na·simang iakoba nina man·gen:
Na·simang iakoba poraina man·gen: EJH-o gopretgipa koela a•damoniko sipairang sandikuenga: SP
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
