29.8 C
Tura
spot_img

President aro PM, eleksino cheanina Biden, Kamala maangna nama-sikanirangko on·ata  

Must read

Delhi, Nov 8: US presidential election-o chegipa ong·anina Joe Biden aro Kalama Harris-maangna a·songni President Pa Ram Nath Kovind aro Prime Minister Pa Narendra Modi-maangba kusinirangko chapatpaaha. Joe Biden, da·o US-ni President ong·enggipa Donald Trump-ko gimik 290 electoral vote-rangchi amataha. Trump, gimik 214 electoral vote-rangkosan man·aiaha.

Democratic candidate Joe Biden, da·ode namen bilakbegipa a·song United States of America-ni 46-gipa President ong·gnok aro mikkang bilsi 2021 January jaonide uan President-ni office-ko jako ra·chakatangskagnok.

Eleksino chu·sokgipa ong·anina, “Ia eleksino Joseph R. Biden-ko United States of America-ni President chane aro apsandake Kamala Harris-ko Vice president chane angni kusi ong·paani nama sikanirangko uamang sakgnina on·atpaa. India-US-ni meli-nangrimaniko mikkangchi bilakdapatna kamko ka·angkuna gita, JoeBiden-na uni dangdike on·ani sal-somairangna angni nama-sikaniko on·ata,” ine President Kovind tweet ka·ataha.

PM Modi-ba apsandake India-US nangrime kam ka·angkuani gimin janapataha. “Joe Biden, nang·ni ia eleksino ga·subee chu·sokgipa ong·anina angni kusiko chapatpaa! VP ong·e, India-US nangrimanio nang·ni dangdike on·anganiara namen gamchata aroba channa amsokgijani ong·a. Apsandaken, a·song damgnini bak-rengsi ong·aniko mikkangchi mangrakdapatangna changsatai ku·mongrime kam ka·taina gita nichaksoenga,” ine Pa Modi seataha.

Indake ong·engon, USA-ni vice president-ni office-ko jako ra·chakatnasigipaoni  me·chikrangonide, bilsi 56-ong·gipa California senator, Kamala Harris-an skanggipa ong·gen. Asiaoni skanggipa, Indian-American-oni skanggipa aro an·gil gisimonide uan skanggipa USA-ni Vice president ong·gen.

spot_img

More articles

spot_img
-->

Latest article