Shillong, Oct 31: National People’s Party (NPP)-ni gitcham state president Dr WR Kharlukhi, kamtangko watangahani gimin Meghalaya a•dokni Deputy Chief Minister aro NPP-ni national vice president Prestone Tynsong-ko gital state president songskaaha.
Tynsong-ko NPP-ni gital state president songani ja•man Mongolbar salo, Shillong-o donggipa NPP office-o uko state president songani bidingo jinmana parakataha. Ia parakatanio Meghalaya a•dokni Chief Minister Conrad K Sangma-ba dongpaaha.
Rajya Sabha-ni MP Dr Kharlukhi, bilsi re•angengahani gimin NPP-ni state president ong•aniko watangahachim.
Iani bidingo X social media-o post ka•atengon, Prestone Tynsong Mongolbar salo, NPP Meghalaya State Unit-o President-ni kamko Dr WR Kharlukhi-oniko jako ra•rikskaaha ine Chief Minister Conrad Sangma parakataha.
Shri Prestone Tynsong takes over as President, Meghalaya State Unit of the National People’s Party today from Dr. W R Kharlukhi.
Dr. W R Kharlukhi has served as President for 16 years and his time with the NPP was even longer as a confidant and friend of our leader, (L) Purno A… pic.twitter.com/nd94m5danA
— Conrad K Sangma (@SangmaConrad) October 31, 2023
Dr Kharlukhi-ni state president ong•engmiting somoio uni ka•anggipa kamrangni giminba Conrad, social media-o janapataha.
NPP-na on•gilanggipa kamrangna Dr Kharlukhi-ko mittelpilatengon, ua bilsi 16-na kingking state president ong•e kamko ka•angaha ine Sangma parakatenba, uni mikkangchi janggi tanganina namgipa skanirangkoba on•ataha.
Iakoba poraie nina man·gen: Truck garirangoniko tangka gile ra·anina HNYF-ni prez-ko rim·a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
