Guwahati, Jan 10: Rahul Gandhini Assamona wenbaani bidingo AIUDF-ni dilgipa Badruddin Ajmal-ni aganania gisik brigijani katta gita daka aro Assamni manderangna kratcha·gni ong·a ine Assam Pradesh Congress Committee-ni President Bhupen Kumar Borah aganaha.

Rahun Gandhini re·baani bidingo Ajmal “Rahul Gandhiko Congress party Dhubri Chapar-ona salgnina rimbaenga. Uan nambejok, maina manderang, mongsongbate nomilrang, bang·en tom·bagen. Rahul Gandhi jik kimkuja baksana dambekuengani gimin nomilrang bang·en sokbatokgen. Badia nomilnan Rahul Gandhi miknapgen u·ija, indiba ua nomilde gam gnanggipa ong·telgnok. Indiba uan Congress partyna maming namgni dongjawa, Congress-de gangrangaigenok”, ine aganaha.

Rahul Gandhi uni Bharat Jodo Yatra (Krimkro India Re·mikkangna) ine dakdilenggipako gnigipa changna Assamo dakdilena sokbagen. Uan January 18 tarikoni a·bachenge salgnini Ajmalni elakaon ong·gen.

Badruddin Ajmal-ni bal·ek bal·tek dakgipa kattaranga uni gadangni kride kragijani ong·a ine APCC-ni President Bhupen Kumar Borah inaha, “Ua an·tangan Assamni a·gipi MP saksa, aro budepa kongchampilgimin. Assamni nomilrangni bidingo uni indake aganania Assamna kratcha·gni ong·a” ine Borah aganaha.

Iakoba poraie nina man·gen: M’laya Games-o robol kal•na re•bagipa dolrangko ‘screening’ daka

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub