Tura, Jan 10: Tura-o sokachakenggipa Meghalaya Games 2024-o robol kal•na re•bagipa dingtang dingtang a•jani dolrangko Budbar pring 8:30 bajimangonin, Tura-ni Chandmari robol kal•chakramo, Meghalaya Games-ni official-rang nipilangaha ba screening-ko dakaha.
Changbongagipa Meghalaya Games-ni robol kal•susaaniko Bristibar salonin a•bachengatengahani gimin robol kal•na re•bagipa dolni manderangara, Meghalaya Football Association-ni dongimin niam gita ong•ama ong•ja, uko name ma•sie ra•na gita ia screening ba nipiltaianiko Meghalaya Games-ni official-rang dakangaha.
Meghalaya Football Association-ni dongimin mitam niamrangara, ia Meghalaya Games-o bakko ra•enggipa me•a ba me•chik, 2006 bilsini January 31 ba uni ja•man atchigipa ong•na nanga, atchiani tarikko mesokna Aadhar Card-ko on•na nanga, Aadhar card baksa nisusana an•tangtangni birth certificate-ko mesokna nanga, robol kal•na re•bagipa me•a ba me•chik, ua a•jaon atchigipa ong•na nanga ba gipin a•jaoni ong•genchimoba uni donkamgipa biapni sports association ba football association-ni NOC-ko mesokskana nanga.
Da•o dipet Ri Bhoi, East Garo Hills, South West Garo Hills, East Jaintia Hills, West Jaintia Hills, South Garo Hills and West Garo Hills a•jani Under-18 boys football team ba robol kal•gipa dolrangkosan screening dakna man•kuenga maina Under-18 Girls Football team ba me•chikrangni robol kal•gipa mitam dolrangde sokbatokkujaengani gimin bangki dolrangkode Bristibar salo screening dakangskanaba gnang.
Iakoba poraie nina man·gen: Assam CM-ni FB account-ko ‘hack’ ka·a
Watch
