Guwahati, Mar 13: Rajasthan-ona badingsrukata man·gipa sakgni bilsokkugijagipa me·chik bi·sarangko Assam Police jokataha.

Cachar Superintendent of Police, Numal Mahatta-ni aganani gitade, iani bidingo January 24 tariko, Rupali Dutta aro Ganga Ganju minggipa me·chik sakgni ia bilsokkugijagipa me·chik bi·sarangko kam on·gen ine tol·e rimangaha ine Gumrah Tea Estate-ni Talkar Grant-o donggipa mande saksa Kalain Police Station-o mokordoma ka·doangaha.

Ia me·chik bi·sarangoni saksara badi ka·doanggipa mandeni demechikgipa aro sakgipinara uni noksulni demechikgipa ong·achim ine u·ina man·aha.

Indake, uamangoni me·chik bi·sa saksa jenten noktangona joke katbana man·aha aro uamangni kosako ong·a obostarangko ma·gipa pagiparangna agana ja·aman uamang Police-na u·iataha. Ia koborko man·soa bakan mokordomako segataha aro uamang am·sandianiko dakna a·bachengataha aro me·chik Police officer-ni dilanichi Jaipur-ona re·angaha. Indake Rajasthan Police dolni dakchakanichi ia me·chik bi·sako jokatna man·aha aro Manpura, Rajasthan-oni Leela Ram minggipa mandeko rim·aha ine Mahatta aganaha.

Ia am·sandianiko dakengani gisepon, Adamtilla-oni badingsrukata man·gipa me·chik saksaba Assam Police-ni uniform-ko nikenba an·tangko jokatchina mol·molaha aro apsan somoion ua me·chikkoba Assam Police jokatna man·aha.

Iani gisepon badingsrukanio jak donggipa me·chik sakgnian joke kate dongenga, indake ong·genchimoba ia manderangko am·sandina a·bachengataha.

Salgro salaram jolrango me·chikrangko badingsrukanirang batroroenga ine nikna man·a. Assam a·dokoba salantian ong·nasipile me·chik bilsokkugijagipa bi·sarangni gimaani bidingo badi ka·aniko Police station-rango man·soenga ine nikna man·enga. Ia badingsrukgipa dolrang mongsongbate, kangal cholgrigipa nokdangko nichokkie kam on·gen ine cha·boke rimangenba ma·sigija manderangna badingatenga aro notidarini kamko ka·na draatenga ine NGO-ni member saksa aganaha.

Na·simang ia video-koba nina man·gen: 

Na·simang iakoba poraina man·gen: Ma·sina man·gijagipa manderang sorkarini gariko so·a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub