Itanagar, Feb 10: Rajiv Gandhi University-ni chadambe Scientist-rang, Arunachal Pradesh-ni ning•tugipa songadamrango cha•ronggipa jo•ong gukrangko, a•gilsak gimikoni nambatsranggipa restaurant-rango man•a amatna gita mingsingatna inenba ja•kurangko de•engaha.
Indake, uamangni lab ning•o, adita rokomni jo•ong gukrangko plate-o chamos baksa donenba ja•chipchang ra•aha aro ian uamangni niksamsoani ong•a inenba, Northeast-o jo•ong gukrangko cha•anio ranta ka•aniko am•sandianiko dakenggipa ba entomophagy-ko poraienggipa, RGU-ni PhD-ko dakenggipa candidate Pompi Bhadra aganaha. Ua RGU-o PhD-ko dakenggipa sak6 candidaterangoni saksa ong•paachim jemangan, cha•ronggipa jo•ong gukrangni gimin am•sandianiko dakengachim.
Ia jo•ong gukrangko cha•aniko ranta ka•ania, Arunachal Pradesh-o game ge•e cha•enggipa manderangni janggi tangna cha•ani bewal ong•achim, indake chadambe ong•kuenggipa Scientist-rang, jo•ong gukrangni jelani gimin, uarangko cha•anio be•en aro an•china mai namgniko on•a ama aro sanna bananikoba on•a ama ma amja, iarangni bidingo nambate skie ra•aniko dakna gita jotton ka•enga.
Jharna Chakraborty, Arunachal-o skang chasongni ma•gitcham pagitchamrangni jo•ong gukrangko cha•ani ranta ka•aniko ma•sie ra•na gita sandirikitaniko dakengon, ia cha•ani rantako name jakaltaiode, a•gilsak gimikon cha•anina diljawachim ine nikaha.
Indake, ia dolni sample-ko talbate porikka ra•e nina gita, dingtang dingtang lab-rangona jekai, Delhi, Bangalore, Hyderabad aro Bombay-ona watataha.
Iakoba poraie nina man·gen: Guv-ni Hindi-chi aganprakaniko jegalaniara kragijani ong•ja: Conrad
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
