Tura, Feb 19: Ranggira a•bri jolni bi•sarangna lekka pora on•aniko namdapatna gita gital rikgipa Ranggira English School-ko, a•dokni Education Minister Rakkam A. Sangma Monggolbar salo nokdonggae on•angaha.
Ia School-ko, Ranggira jolo donggipa bi•sarang jemangan Tura-o donggipa school-rangona re•bana neng•nikaniko man•engachim mongsongbate wachi karini somoio neng•nikaniko man•batenggipa bi•sarangna nambata bidako on•a miksonganio Wadanang Baptist Mondoli rike on•aha.
Ia school-ko rikaniara, rama sorokrang namjani a•sel aro wachi karini somoio neng•nikaniko chagrongna nanggipa chatro chatrirangna ka•donganiko ra•baaha aro uasan ong•aigija, chel•bea ramarangko re•na nanggijan nambata gadangni lekka porako skie ra•na man•enggipa cholba uamangna ong•enga ine nikna man•a.
Ia tom•anio Minister Rakkam A. Sangma jinmana aganprakengon, iandake bi•sarangna lekka porako on•a aro songsalko namroro silroroatna krenge kamko ka•enganina Wadanang Baptist Mondoliko mitelpilskaangaha aro songadamo songdongenggipa manderangni mikkangchi janggi tanganiko bimang ong•ataniara nangchongmotgipa ong•a ine aganan baksa, Ranggira-ni bi•sarangna uamang niksamsoe bidani biteko nangchina bitchilko ge•e donangani ong•a ine janapataha.
Ia school-ara ua jolo donggipa nokdangrangna uamangni mikkangchi re•baenggipa sal somoirangna ka•donganiko on•ani ong•enga.
Na·simang ia video-koba nina man·gen:
Na·simang iakoba poraina man·gen: Sohra-o rama sorokrangko namdapatgen ine Deputy CM ku•rachaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
