Guwahati, Apr 12: Prime Minister Narendra Modi, dingkarini heat wave ba dinggipa balwa balani somoio tarisamsoaniko dakani bidingo chanchirimaniko dakna tom•bimonganiko ong•ataha.
Ia tom•anio, April aro June jani gisepo India a•songni dingtang dingtang bakrango, mongsongbate Central aro saliram jolrango bilongbee ding•nasienganiko agansamsoani bidingo, ua talate on•angaha.
Uasan ong•aigija, health sector-ni gita, nangchongmotgipa sanna bannani samrang, fluid-rang, ice pack-rang, ORS aro ringani chirangko simsake tarisamsoe donani giminba chanchirimaniko dakangaha.
Indake, Ministry of Health and Family Welfare (MoHFW) aro National Disaster Management Authority (NDMA)-ni ku•pattigimin kattarangko jolni kri jakkalenggipa ku•sikrangchi pe•skaenba TV, radio aro social media-rang gita, u•iataniko on•ani ba gipatani giminba chanchirimangaha.
Prime Minister Narendra Modi, iani bidingo Central, State, District aro dingtang dingtang sorkarini ning•o bak ong•e dangdike on•enggipa pilakan apsan nangrime kam ka•na nangengani gimin aganan baksa, u•iataniko dakna a•bachengatani, sanchakani hospital-rangko tarisamsoe donna nangani aro wa•al kamani somoio kimitani bosturangko simsake tarisamsoani gimin kan•dike talate on•angaha.
Na·simang ia video-koba nina man·gen:
Na·simang iakoba poraina man·gen: “Jeng Bihu” manianina bon•kamgipa skisamsoaniko, Guwahati-ni Kharghuli me•chik dolrang an•saobee matchotata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
