Shillong, July 13: 1972 bilsini Reservation Policy-ko nipiltaina gita Expert Committee-ko songna kamrangko ka·atani bidingo taldape ra·na gita Voice of the People Party (VPP), Bristibar salo a·dokni skotong minister Pa Conrad K Sangma-ko grongangaha.
“Reservation Policy-o nangchapgipa mamlani bidingo kamko ka·na expert committee-ko songani kamrang baditana chu·sokengaha aro sorkari ia committee-ko basako songgen uko u·ina gitasa chinga, chingni dolni gita a·dokni skotong minister-ko grongaha ine VPP-ni dilgipa Pa Ardent M Basaiamoit, skotong minister-ko gronga ja·man koborna parakataha.
Expert committee-o a·dokni a·palchini manderangko songani gimin sorkarini chanchie ra·baenggipani bidingo VPP dolni chanchianiko sing·on, iakode chinga sorkarinan pakwata, maina expert committee-ko songchina gitan chinga sorkariko didiaha aro sorkari da·o iana kamko ka·enga, chinga iani giminde mamingoba neng·nikani dongja ine ua aganchakangaha.
Expert committee-ko Chairman ong·e dilna gita mande sandina aro committee-ni memborrangko seokani gimin sorkari kamrangko ka·atengaha aro antigni ba anti-gittamni ja·mano sorkarian iani gimin u·iatna gita skotong minister chingna ka·dongataniko on·aha ineba Pa Basaiamoit agandapataha.
Iakoba poraie nina man·gen: Education Symposium-ko ong•atanio CM bakko ra•anga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
