Shillong, July 13: Bristibar salo, Education department-ni ong•atanggipa Meghalaya Education Symposium-o Meghalaya a•dokni Chief Minister Conrad K Sangma-ba dongpae bakko ra•angaha aro ia tom•anio ua jinmana aganprakangengon, a•dokni namroro silroroanina sorkari, scheme-rangko ra•gatmangmange on•aigija ia scheme-rangko ra•gatanichi mai namgnirangko man•enga, ukoba nienga ine parakataha.

Meghalaya a•doko da•o nangbatenggipa dingtanganiara chanchiani bewalko dingtangatanian ong•enga ine janapatengon, chanchianiko dingtangatanichi songsalko re•mikkangatna man•gen ine Chief Minister parakataha.

Lekka pora aro an•seng baljokaniko on•anio skulmangmangosan pangchakaina nangja ine janapatengon, ian bi•sani atchichengaoni uni dal•drobaengmiting somoionan aro bon•kame uni ja•delahaonan dongna gita nanga ine Chief Minister aganaha.

Meghalaya Education Symposium-ko ong•atani bidingo talate on•angengon, ian dingtang dingtang cholrangchi lekka porani a•bako namdapatna gita sorkarini on•kange kam ka•aniko mesokani ong•enga ine Sangma parakataha.

Ia tom•anio ua a•dok sorkarini a•bachengatgipa MOTHER program-ni giminba manderangna agan-talate on•angaha.

Ia program-ko ong•atanio a•dokni Education Minister Rakkam A Sangma aro Health Minister Ampareen Lyngdoh-ba bakko ra•e jinmana aganprakangaha.

Iakoba poraie nina man·gen: Pa Himanta, UCC-ko ra·gatanio chakpaaniko on·janina Congress dolko matnangata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub