Shillong, May 9: State Reservation Policy-ko gital dake nipiltaichina dabienba Mongolbar salo, Jaintia Hills a•jao dingtang dingtang dolrangni nangrime bikotgipa Joint Coordination Committee for Reservation Policy (JCCRP)-ni membor-rang, Meghalaya a•dokni Deputy Chief Minister Sniawbhalang Dhar-ko grongeaha.
JCCRP-ni dilgiparang, re•anggipa April jani 12 tarikon, State Reservation Policy-ni bidingo chanchirimaha ine Deputy CM-na talataniko on•angengon, Reservation Policy-ko ra•gatchengaoni Roster System-ko a•bachengatjachina gita JCCRP, a•dok sorkariko didiangaha.
Meghalaya a•doko da•o mandeni jelbra jelsuani batahani gimin aro lekka pora donggipa chadamberangba bang•batahani gimin 1972 bilsio ra•gatgipa Reservation Policy-ara da•o mitam jatrangkode nichanggalani gita ong•enga ine Reservation Policy-ko gital dake taritaipilchinaba sorkariko didiangaha.
Iakoba poraie nina man·gen: St Mary’s School-ni chatro chatrirang Science porikkao pass ka•gopa
