Tura, May 9: Ia 2023 bilsini Higher Secondary School Leaving Certificate (HSSLC) Science porikkako seanio, Tura-o donggipa St Mary’s Higher Secondary School-ni chatro chatrirang, gimikan pass ka•gopaha.

Ia bilsini HSSLC Science porikkako St Mary’s HS School-ni gimik sak 28 chatro chatrirang seaha aro unoni sak 12 First Division-o aro sak 16 Second Division-o pass ka•aha.

St Mary’s School-ni sakdok chatro chatrirang Letter-koba man•aha aro uamangara English subject-o Adrian A Sangma, Alternative English-o Jordan N Sangma, Computer-o Nidiana B Marak, Physics-o Nokbi R Marak, Physics-o Momesilchi R Marak aro Computer subject-o Priya Ch Sangma ong•a.

Ia bilsini HSSLC Science porikkako segipa chatro chatrirang pass ka•gopahani gimin aro skulna mikkim rasongko ra•baahani gimin St Mary’s HS School-ni principal, chatro chatrirangko aro skigiparang pilakkon mittelpilataha.

Iakoba poraie nina man·gen: Ri-Bhoi a·jao ge·sni dokan nokrangko wa·al kama