Shillong, May 29: A·dokni Job Reservation Policy-ko nipiltaie taridapchina gita Khasi Hills aro Jaintia Hills a·jarango bilake dabienggipani bidingo HSPDP dolni tom·e chanchirimanganiko dolni padot Pa KP Pangiang, Sombar salo u·iataha.
Chanchirimani ja·man, HSPDP dolni dilgipani u·iatani gita, reservation policy-ko nipiltaiani gimin MDA coordination committee-ni tom·e chanchirimani somoio sorkari baksa chanchirimgen ba a·dokni skotong minister-ko dingtangmancha gronge iani gimin agangrikaniko dakanggen ine parakataha.
“Reservation policy-ni mamlara, eleksinni somoio HSPDP dolni chu·sokatna ku·rachakgiminrangoni mingsa ong·a ine janapatengon, manderang chingni dolko seoka ong·ode ia nangchongmotgipa dabianiko chu·sokatna gita mikkangchiba chinga kamrangko dongtonggija ka·angkugen ine Pa Pangiang aganangaha.
Dingtang hill state-ko on·china dabienggipani gimin aganangskaengon, Pa Pangiang, dingtang a·dokko on·china gita uamang raken dabiangkugen aro apsandake A·chik jatrangnaba dingtang a·dokko on·na gita nanga ine parakataha.
