Tura, Apr 26: Ia sal aro somoirango nangana batpile ding•anirangko man•engon, chiring chibisikrangni tipangenganiko nikna man•engaha. Iani gisepon, West Garo Hills a•jani Deputy Commissioner aro District Disaster Management Authority-ni Chairman, Jagdish Chelani, DM Act 2005, Section 30-ni bilo pangchake, chirangko tange rakkiani gimin, jinmana adita ku•pattianirangko on•ataha.
Indake, chiring chibisik sepangjoloni 50 meter-mangona kingking gue, cashewnut aro rubber bolrangko ge•jachina, batesa, chiring chibisik sepangjolo chiko tange rakkigipa bol wa•arangko jekai, bolchim, wa•a, kimde aro bolbok bolrangko bang•e ge•china, chiringrangoniko ro•ong ba an•chengrangko bikotjachina, chiring chibisik sepangjolo a•ba cha•anirangko dongtongchina ku•pattiataha. Una agreba, chiring chibisik sepangjolrango bol wa•a ge•anirangni gimin, songni Nokma ba dilgiparang, songo songdongenggipa manderangna u•iataniko on•china, mai dakgipa bol wa•arangko ge•ode namgen ba chiko tange rakkigen, uarangni bidingo Forest Department-ona re•ange sing•sandichenganiko dakchina, Soil and Water Conservation Department-ni gita chiring chibisikrangko ripinge rakkiani bidingo awareness program-rangko ong•atchina, Council of Nokma Association-ni gita chiring chibisikrangko tange ripinganio rake kamko ka•china aro Tura songjinmani wilwilao donggipa chiringrang jekai, Ringrey, Upper Babupara-o donggipa Nengsangram, Rongkhon aro Gandrak chiringrangko rongtale rakkienba uarangko jakkalna man•a gita, Tura Municipal Board Department-ni gita nirokaniko dakchina inenba ku•pattiataha.
Na·simang ia video-koba nina man·gen:
Na·simang iakoba poraina man·gen: Hailakandi-ni polling booth-o AIUDF-ni polling agent gitile sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
