Shillong, June 28: Ri Bhoi Youth Federation, KSU-ni Delhi Songjinmao UPSC-CEC porikana tarisona seokako man·giparangna tangka paisachi dakchakaniko on·a tik ka·atanio RBYF-ba tangka paisachi dakchakaniko on·paaha.
RBYF-ni President Bipul Thangkhiew, executive member-rang tom·rime chanchiani ja·mano, KSU-ni President Lambok Marngar-ni jako tangkarangko on·ataha.
Khasi Jaintia joloni UPSC porikako sena tarisoenggipa sakgittam-ko seoke KSU-ni tangka paisachi dakchakengon, chingaba bang·pajaoba dolni gita on·rimpae dakchakna tik ka·aha.
Beben ian chu·onggipa tangka paisade ong·ja aro Delhi-o coaching ra·anio inditan koros ong·a una todongede dakchakna man·paja indiba chingni dolni bil ama gita dakchakaniko on·atpaenga aro gipin dolrangba bil amatang gita on·gilpachina mol·molatna ska ine RBYF-ni President Bipul Thangkiew Hub news kobor ra·timgiparango aganaha.
