Shillong, Nov 30: ‘Rozgar Mela’-ni ning•o kamo rimnapa manderangna Bristibar salo, a•songni Prime Minister Narendra Modi, video conference gita king 51,000-na baten appointment letter-rangko sualataha.
Ia appointment letter-rangko sualatani somoio a•songni Prime Minister, video conference gita aganprakatengon, ia appointment letter-rangara, kamo rimnapa man•gipa manderangni changa sapani aro rake kam ka•ani biterangan ong•a aro uamang da•o a•songni namroro silroroanina kamrangko ka•anio bak ong•pagnok ine parakataha.
Prime Minister-ni parakatani gitade, ia Rozgar Mela-ko a•songni dam 37 biaprango ong•atenba, kamgri ong•e dongenggipa chadamberangko kamo rimnapahachim.
Kamo rimnapa man•gipa manderang ma•mong sorkarini dingtang dingtang ministry ba department-rang, jekai Revenue department, Home Affairs Ministry, Higher Education department, School & Literacy department, Financial Services department, Defence Ministry, Health & Family Welfare Ministry aro uandakgipa dingtang dingtang department-rango kamko ka•na seokako man•gnok.
A•songo sorkarini lak 10 kamrangko on•na gita ‘Rozgar Mela’-ko a•songni Prime Minister, re•anggipa 2022 bilsini October 22 tariko a•bachengatahachim ine nikna man•a.
Iakoba poraie nina man·gen: Shillong-Dawki ramako ta•rake tarichina NHIDCL-ko sorkari ge•eta
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
