Guwahati, Nov 30: ‘Hawala Transaction’ ba tangka paisarangko oke ra•anio jak donggipa police officer saksa aro Guwahati-ni journalist saksaoniko bang•a tangkarangko rim•na man•ani ja•man Bristibar salo, ia police officer aro journalist-ko police-rang rim•aha.

Rim•ako man•gipa manderangara, journalist ba kobor on•timgipa Toufique Uddin Ahmed aro Bharulu Police Station-ni Sub-Inspector (SI) Mubarak Ali ong•achim.

Koborko man•soani gitade, Toufique Uddin Ahmed-ko, Crime Branch-ni sipairang, Guwahati-ni Garigaon-oniko Bristibar pringo rim•aha.

Iani gisepon, ia kamo jak donggipa sakgipin mandekoba Bharulu Police-rang rim•aha aro uamangoniko gong 25 lakh tangkarangko rim•na man•aha ine kobor on•timgiparang u•iataha.

Batanggimin jaoba, Athgaon jolo Md Jamir Uddin-ni para dongenggipa nokoniko, Athgaon-ni Police-rang am•sandienba, sakgni manderangko, chong•motan, Rajasthan-oni bilsi 27 ong•gipa Devkaran Sen aro bilsi 47 ong•gipa Manoj Kumar-ko rim•aha aro uamangoniko gong 1,69,70,000 tangkarangko rim•na man•ahachim.

Indake ong•engon ia rim•gimin tangkarangba ‘Hawala Transaction’-ni bakonin ong•engnaba gnang ine kobor on•timgiparang chanchichipenganiko parakataha.

Iakoba poraie nina man·gen: Shillong-Dawki ramako ta•rake tarichina NHIDCL-ko sorkari ge•eta