Shillong, July 30: Budbar salo Russia-ni Salaramchini Kamchatka Peninsula-ni sagal rikamo 8.8 magnitude banggrianichi Pacific gimiko tsunami-na mikrakataniko man·e ua jolo donggiparangna kenjagokaniko ra·baaha.
US Geological Survey-ni (USGS) aganani gitade, Russia aro Japan-ni badiaba badiaba jolrango re·baenggipa konta gittamni gisepo, tsunami ong·e bang·a nosto ka·anirangko ra·banaba gnang. Ia banggrianiko a·bachengode 8.0 magnitude ine segatachim indiba ja·mano seismograph-ko nipiltaiani ja·mano 8.8 magnitude ine nikaha.
Ia banggriani 19.3 kilometre-mang (mile 12) tu·aoni ong·aha aro Avacha Bay rikamni sepango Petropavlovsk-Kamchatsky-ni Salaram-Salgipengsalaram-o 125 kilometrerangona (mile 80) ong·angaha.
Social media-o watatgipa video-rango banggriani mojimanirangko nikna man·aha. Nokningrangoni ka·gipa video-rango chokkirang aro uandakgiparangni ta·rake mojimanirang aro nokni manderangni kate chakanirangko mesokaha. Ua jolo donggipa dingtang dingtang biaprango bang·a nosto ong·anirangko kobor man·aha, indiba iarangni bidingo dingtangmancha sandie nianirangkode matchotkujaenga.
Uandake da·o authority-rang sagal rikamrango mikrakatanirangko on·e uano emergency service-rangko donenga aro kengnio ga·akenggipa biaprangoni apjite katchina ge·etanirangko on·aha.
Na·simang iakoba nina man·gen:
Na·simang iakoba poraina man·gen: Rim•a man•gipa Sister sakgniko watpilchina M’laya Minister, Chhattisgarh CM-ko didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
