Imphal, July 30: Adita salrangna skang, sakgittam Hmar chadamberangko, bobil dake chakatgipa manderang ine potchipenba Assam police-rangni goe galaniko jegalna gita Sombar salo, Hmar aro Kuki manderang, Manipur a•dokni Jiribam a•jao jinma re•jomaniko ong•atangaha.
Sakgittam Hmar chadamberang, chong•motan K Bethel songni bilsi 21 ong•gipa Lallungawi Hmar, K Bethel songni bilsi 33 ong•gipa Lalbiekkung Hmar aro Senvon Lailak songni bilsi 35 ong•gipa K Joshua Lalrinsang-ko July-ni 17 tariko, Assam police-rang, bobil dake chakatgipa manderang ine potchipenba goe galahachim.
Cachar Police-ni a•kangatani gitade, ia chadambe sakgittamko July 16 tarik attamni 4:30 bajimango, chakka samgittam donggipa gario songreengmitingo police-rang rim•ahachim aro uamango sing•sandion, uamangni gipin membor-rangba Bhubaneswar Hill-o dongnuchakenga ine ku•rachakahachim. Uandaken police-rang, July 17 tarik pringo Bhubaneswar Hill-ona re•ange, ua biapo dongnuchakenggipa bobil dolni manderangko chadrapeaha aro dolgni gogrikanio saknaa man•gipa bobil dolni mande sakgittamko rim•na man•aha ine police-rang parakahachim.
Indake ong•engon, so•ota man•gipa chadamberangna kakket bichalko on•china dabie Sombar salo, Manipur a•dokni Hmar aro Kuki manderang, Jiribam a•jao jinma re•jomaniko ong•atangaha.
Ia a•selni bidingo Assam aro ma•mong sorkarirang maming ja•kurangko de•ja ong•ode uamang mikkangchi bilakbate jingjengatanirangko dakangkugen ineba Hmar aro Kuki dilgiparang mikrakataniko on•angaha.
Na·simang ia video-koba nina man·gen:
Na·simang iakoba poraina man·gen: Tura Bazar-o Assam-ni gariko nosto ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
