New Delhi, Oct 8: Central Agricultural University (Imphal)-ni ning·o donggipa Tura Community Science College-ni Indian Council of Agricultural Research (ICAR), Meghalaya sorkari, Textiles Ministry aro New Delhi-ni Deendayal Research Institute (DRI) baksa nangrime salgittamna New Delhi songjinmani NASC Complex-o ong·atanggipa National Conclave-ko Budbar salo matchotataha.
Ia National Conclave-ko ong·atanio, gimik dam 19 a·dokrangoni game ge·e cha·giparang, jakni kamko ka·giparang, research dakgiparang aro dingtang dingtang manderangko man·chape sak 300-na baten bak ra·angtokaha aro ia conclave ba tom·bimonganiko dingtangmancha ong·telaigipa kildingrangko tang·doatna miksonge ong·ataha.
Ia program-ko ong·atanio Meghalaya a·dokoni gimik saksku game ge·e cha·giparang aro dam 18 Krishi Vigyan Kendra (KVK)-ni official-rangba bak ra·angtokaha.
Ia National Conclave-ko ong·atanio, Garo Hills-ni sakbri game ge·e cha·giparang, chong·motan Jason A. Sangma, Jabathseng Ch. Marak, Philipson T. Sangma, aro Halbingstone Ch. Marak-na mande ra·pilskaaniko dakangaha.
Ia National Conclave-ni bon·kamgipa salo, Union Agriculture Minister Shivraj Singh Chouhan, mongsonggipa sokgipa ong·e jinmana aganprakangengon, ong·telaigipa kildingrangko tang·doatna gita sorkarini on·enggipa dakchakanirangko talate on·angaha.
Na·simang iakoba nina man·gen:
Na·simang iakoba poraina man·gen: Zubeen Garg sagini bon·kamgipa git ‘Mur Mon’-ko release ka·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
