Patharkhmah, May 2: Samtangtangko nirokna songni-nokni manderangna bilko on∙na inenba May 1 tariko Meghalaya Minister Sosthenes Sohtun Ri-Bhoi a∙jao rongtal-an∙talatani kamrangko dakdilna ja∙ku de∙ani chol, Green Force Patharkhmah-ko a∙bachengataha. Ia gitalgipa cholko Meghalaya Basin Management Agency (MBMA) aro Office of the Deputy Commissioner, Ri Bhoi-ni dakchakanichi a∙bachengatenga.
Ia programme-ko Sub-Divisional Officer (Civil) Chaitanya Awasthi, songni-nokni dilgiparang aro ua jolo songdonggiparangni mikkango oprake on∙angaha aro batanggimin salrango rongtal-an∙talaniko ra∙bana ja∙ku-de∙anirangko pangkamgipa bewalo dakangna ine miksongenga.
2026 bilsini March jao Umshait chibima-ko rongtal-an∙talataniko dakanio a∙jani administration-ni okamaniko man∙e bang∙a songdonggipa manderangan bak ra∙angaha.
Uandake ia salo, dingtang dingtang rongtal-an∙talatani bosturang jekai T-shirt-rang, glove-rang, ja∙koprang, mask-rang, jabol kolamanirang, aro jabolni kri chimongchakna dingtang dingtang rongrangni jolarangko volunteer-rangna minister suale on∙angaha. Una agreba, ua WRBSA kal∙chakramo rongtal-an∙talataniko dakdilangaha, jeon adita kontarangni gisepon volunteer-rang skonge donggipa jabolrangko gale, ku∙mongrime kam ka∙ani biteko mesokangaha.
Jabolrangko jebasi galaniko champengna aro niam pe∙giparangko agane on∙china manderangko didina ine rongtal-an∙talatgimin biaprango see donanirangko dakaha ine official-rang parakataha.
Ia gitalgipa cholko a∙bachengate on∙anio bang∙a songdonggipa manderangan gisik nange an∙tangtangko volunteer ine bimung segataha. Authority-rang dingtang dingtang bimung segatani cholrang jekai online platform-rang, helpline-rang aro SDO office-ona re∙ange soi ka∙anirangko a∙bachengataha.
Uandake, re∙baenggipa antirango Green Force model-ko gipin biaprang jekai Jirang, Umsaw, Warmasaw, Umsong, aro Mawdem-oba a∙bachengatna ine miksongenga.
Na·simang iakoba nina man·gen:
Na·simang iakoba poraina man·gen: M’laya CM, jingjengatenggipa vocatioanal teacher-rangko grongna convoy-rangko dongdipata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
