Shillong, Oct 13: October 13 tariko Samtangtangni namgnina kam ka·enggipa Pa Naba Bhattacharjee, Umiam Lake-ko nambata gadangona ra·banade Umshyrpi aro Umkhrah chibimarangko rongtale simsake rakkina nangtelenga ine aganaha.
Umiam Chibol-ona Shillong songjinma-o mitchigipa jabolrang jokonangengani a·sel 220 square Kilometer donggipa chibolan jabol chimongramsa ong·engajok ine Pa Bhattacharje aganaha.
Ua batanggimin somoio Meghalaya High Court-na am·sandie man·giminrangko on·on Umiam Lake-ko name rakkinade Umbir, Umiew aro gipin gittimrang ge·a gamanio samko jakkalengani bidingoba janapan baksa jabol man·baenggiparangko champengsoani dakna chekrangni kachangsoani bidingoba janapahachim ineba Pa Bhattachajee agandapaha.
