Shillong, Oct 13: October 13 tariko Ri Bhoi District-ni Umtham songo jekon Chi Grikbeanina mingsingachim ua biapo Chang 5-gipa Megha Kayak Festival 2022-ko October 13 tarikoni a·bachenge 16 tariko matchotatenga. Jeon a·song dam 80-oni dingtang dingtang susagiparangni bak ra·aniko nikangna man·gen.
Megha Kayak Festival (MKF)-ko Ri Bhoi Water Sports & Tourism Cooperative Soceity Ltd, Meghalaya Tourism Department baksa nangrime ong·atenga.
Susaanio chi ka·maona choonani jean meter 350 bakroani aro sak 4 chipakore-ko chite susagrikaniba donggen.
Slalom susaaniko International Canoe Federation (ICF) skanggipa changna 2024-ni Olympic a·bachengatna sienganikoba parakataha.
Kal·susaaniona gipin a·songoni mongsonggipa sokgiparangara, Italy-oni Giovanni De Gennaro, Mexico-oni Sofia Reinoso, Czech Republic-oni Vara Hradilek aro gipinrang ong·enga.
Kal·suaanio ong·atchakram Umtham songo a·gilsako nambatgipa kal·suchakramko tarisoaha jedake chibimani paktangtango ring kapram, jinma nichakram, a·tip dakram aro a·pal re·chakani aro uandake gipinrang.
Ia maniani ba Festivalko ong·atani miksonganian Meghalaya a·dokko chio kal·susaanio mongsonggipa biap dakna aro a·paloni manderang re·bae nichina gisik nangatna kam ka·ani ong·enga ine Official-oni ui·ataha.
