Tura, May 8: Sal 2-ni District Level Inter School Athletics Meet-ko, District Sports Office-ni gita Tura Dakopgre-ni Pa Togan Nengminja Track and Field Stadium-o, Budhbar saloni a•bachengataha jeon, ge 30 school-rangoni gisiko nanggipa sak 730 mangni chatro chatrirang bak ra•angaha.
Examination SSLC, MBOSE-ni Deputy Controller, Jen Mueller P Marak, jean, State Table Tennis-ni player gitcham ong•achim aro dingtang dingtang manianirango a•dokni gita kal•susaaniko dakangahachim, uaba ia function-o bak ra•enba, skanggipa salni dingtang dingtang kal•susaanio bak ra•e chegiparangko de•mitelaniko dakangaha.
Ua, ia kal•susaanio bak ra•e chegiparangna nama skaniko on•an baksa, kal•susaenggipa sakantikon, uamangni jedakgipa kal•susaaniko ba daka rikaniokoba salantian dondikgija ranta ka•jringchina aro uamangni School-na aro an•tangtangna mikkim rasongko ra•bachina ine didiataha. Unbaksana, uamangni gisik nangenggipa kal•susaanio, nambate chu•sokgipa ong•na gita namgipa cholon bewalko rakkichinaba ua ku•pattiangaha.
Tura District Sports Officer, Saljagring M Marak, ia track and field-o kal•susaaniko, me•a aro me•chik dolrangna, bilsi 14, 16 aro 18-ni ning•o bak dingtang dingtang dake ong•atangaha ine parakataha. Una agreba, dingtang dingtang kal•susaani bakrang jekai, 60 metre, 100 metre, 200 metre, 300 metre, 800 metre, 1000 metre, 1500 metre, High Jump, Long Jump, Discuss Throw, Shot Put, Javelin Throw, Medley Relay, Kids Javelin aro uandake dingtang dingtang kal•susaanirangko ia Athletic Meet-o ong•atangaha ineba ua agandapataha.
Na·simang ia video-koba nina man·gen:
Na·simang iakoba poraina man·gen: ULFA-1-ni member gitchamko, Tinsukia-o silchidare baksa police dolrang rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
