Tura, May 8: Tura GBHSS Chandmary Football Turf-o, budbar salo, 2024 bilsini Tura Football League-ni chang 14-gipa robol kal•susaaniko ong•atanio, Maram FC, Boca Juniors-ko 3-2 goal-rangchi amatenba ia bilsini robol kal•susaanio 4-gipa changna chegipa ong•taiaha.
Maram FC, a•bachengo kalanio neng•takani somoio ong•na skangan minute 11-ni gisepon Treesbirth Momin skanggipa goal-ko chipchengaha.
A•bachengmiting somoio, BOCA Juniors kal•nangjaenba robol on•grikanirangoba name on•grikna gita man•jaengachim, iani gisepon minute 43 ong•o, Salrim Marak robol rongsako chipna man•enba score-ko apsangrik ong•atna gita man•aha.
Skanggipa neng•takani somoi matchote kal•susaaniko a•bachengtaion, dolgnian robol chipna krengbegenchim ong•oba chu•sokna gita man•jaha. Indake ong•genchimoba, minute 58 ong•on, Togam Marak robol rongsako chipna man•enba, 2-1 goal-rangchi Maram FC-ko batatna gita dakchakaha.
BOCA Juniors, score-rangko apsangrik ong•atna jotton ka•beoba chu•sokna gita man•jaha. Indake ong•engon, minute 75 ong•o, Treesbirth Momin, free kick on•gipao gnigipa changna robol rongsako chiptaienba Maram FC-na goal-sako on•daptaiaha.
Gnigipa neng•takani somoi bon•a sion, Maram FC-ni 3-1 goal-rangko on•gipa score-ona sokdona gita BOCA Juniors dolna namen neng•beani ong•genchimoba, BOCA juniors dolni Barnawel Shira, minute 89 ong•o goal-sako chipe on•ataha, indake ong•genchimoba, Maram FC 3-2 goal-rangko man•e chegipa ong•aha.
Maram FC-ni Treesbirth Momin aro Lucas Rabha sakgnian minute 60-ni gisepo yellow card-ko man•aha aro BOCA Juniors-ni Konaton Rabha-ba, minute 64 ong•o yellow card-ko man•aha.
Na·simang ia video-koba nina man·gen:
Na·simang iakoba poraina man·gen: Sal 2-ni District Level Inter School Athletics Meet-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
