Shillong, Feb 9: Samtangtango ong•telaigiparangko ripinge rakkina kam ka•anio, gipin a•dokrang aro a•songrang baksa bakrime kamko ka•na nangengani gimin Sukrobar salo, Shillong songjinmao skanggipa changna ong•atenggipa International Water Conclave-o Meghalaya a•dokni Chief Minister Conrad K Sangma aganangaha.
Chief Minister-ni parakatani gitade, chiring chibisik aro samtangtango ong•telaigiparangko rakkianio gipin a•dok aro a•songrang baksa bakrime kamrangko ka•jagenchimode kamrangko ka•anio chu•sokgipa ong•na man•jawa aro samtangtango ong•telaigiparangko ripinganio gipin a•dok aro a•songrang baksa agangrikanirangba dongna nangenga.
Dingtang dingtang gadango climate council-rangni dakna nanggni kamrangni gimin janapatengon, a•gilsakni ding•a aro sin•a batroroengani a•selan chirangko man•anio neng•nikanirangko chagrongna nangengani gimin dingtang dingtang dolrangni agangrike apsan kam ka•aniko nangchongmotenga ine Chief Minister parakataha.
Salgnina Shillong-o ong•atenggipa International Water Conclave-ni bidingo talataniko on•angskaengon, ia conclave ba tom•bimonganiko ong•ataniara scheme-rangko jako ra•e ka•ani ba nisanrangko chu•sokatani giminsan ong•aigija sorkarini dingtang dingtang department-rangko aro dingtang dingtang dolni membor-rangko apsan biapona rimbae, neng•nikanirangko chel•atna chanchirimna miksonganian ong•enga ine Chief Minister aganaha.
Water Policy-ni gamchatgipa ong•ani bidingo janapatskaengon, India a•songo Water Policy-ko ra•gate kam ka•enggipa mitam a•dokrangoni Meghalaya a•dokba damsa ong•enga aro ian a•doko donggipa chiring chibisik, chimarang, pokkrirang aro uandakgipa cholrangko tange rakkina miksongani ong•enga ine Chief Minister parakataha.
Chio nangchakegipa u•iatanirangko chimongna gita bakan a•doko Data Innovation Center-ko kulignok ine parakatengon, a•dok gimiko dam 600 Small Multipurpose Reservoir-rangko rikanio sorkarina Asian Development Bank dakchakanirangko on•enga ine Chief Minister aganaha.
Ia salgnina ong•atenggipa International Water Conclave-o, Thailand, Nepal, Bhutan, Myanma, Cambodia aro Vietnam a•songni delegate-rangba re•bae bakko ra•enga.
Despite having locations with the heaviest rainfall record in the world, the issue of water looms over many areas in our State and realising this, the Govt., has been taking proactive steps since 2018 to mitigate the water crisis through community participation, use of technology… pic.twitter.com/4D73put3BC
— Conrad K Sangma (@SangmaConrad) February 9, 2024
Iakoba poraie nina man·gen: Dy CM-ni grongna agananiko HNLC ra·chaka
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
