Guwahati, July 19: 2026 bilsini Assembly Election ong·nasiengon, Assam Skotong Minister Himanta Biswa Sarma aro West Bengal-ni Skotong Minister Mamata Banerjee-ni gisepo, jat, sima ari gita a·dokona napsrukbaani aro ku·aganani bidingo nanggrikaha.
Batanggimin somoio, “India a·songo gnigipa mongsonggipa ku·agananina Bangla ku·sikko jakkala aro apsandaken Assam a·dokoba jakkalenga. Iandake pilak ku·sikrangko aro toromrangko mande ra·e tom·tom songdong a·chaenggipa manderangko ka·mikkenatenganiara ku·siktangko mande ra·gijani aro constitution-ni niamrangko mikkang nitee kam ka·engani ong·a” ine West Bengal-ni Skotong Minister Mamata Banerjee uni Social media X-o seataha.
Iandake ku·agananiko aro toromko mikkang nitee kam ka·angkuode uamang jrip dongjawa warachakgen aro a·song gimiko jingjengataniko dakanggen ineba ua mikrakataniko on·ataha.
Iandake matananganirangna aganchakaniko on·engon, “Assam a·doko jattang aro mandetangrang baksa uamang dinggrikjaenga, indiba a·dokona niamgri napsrukbagipa Muslim-rangkosa champengsoenga, maina a·jatangon uamangsa Hindu-rangna bate jelbatroroengaha jean a·dokna kenchakani ong·enga ine aganan baksa, Assam a·doko je dakgipa ku·agananikoba aro jatrangkoba nokchakenga, indake ong·genchimoba iarangko dakenganiara Assam a·dokko, jattangko ripingna warachaksoani ong·a” ine Skotong Minister Himanta Biswa Sarma uni Social media account X-o seatskaaha.
Unbaksana, an·tang vote-rangko man·a aro bilo ong·na gita indake niamgri sima ari gita napsrukbaaniko didienganiara a·songni man rasongko pe·engani ong·a ine Sarma matnangatskaaha.
A·dok chigatangna, mikkim rasong, jattang aro mandetangko ripingna Assam a·dok warachakangkugen ineba ua janapataha.
Na·simang iakoba nina man·gen:
Na·simang iakoba poraina man·gen: M’laya-o bilsi karini dingtangrorobaanichi nangchakenagipa dam 25 block-rangko gital report-o nikna man·aha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
