Shillong, June 23: Umbrella Post-Matric Sholarshipni bidingo chatro-chatrirang aro ma·a-paarangni u·igijanirang aro jajaanirangko Education Minister Rakkam A. Sangma Sombar salo talate on·angaha aro pilak man·na nanganirangko chu·gimikan man·gen ine ku·chakaha.
A·bachengo badiaba chatro-chatrirang tangka gong 1,500-kosan man·aiani gimin bang·a manderangan adita jajaanirangko man·engachim. Ia tangkara skanggipa instalmentsa ong·a jean chu·gimik man·aoni 20% ong·a aro pilaknan namedake tikate on·na man·na inesa iako dakaha ine manderangni ma·sisretaniko talata baksana, ministry-ni on·atgipa pilak tangkarangkon chatro-chatrirangni accountrangona joljol chipatenga, aro pilakan somoi gita tangkarangko man·gen ine ua aganaha.
Batanggimin bilsirango gita, ministryni watatgipa tangkarangko changsano baditaba sakrangna scholarshipko on·chenganiko ja·rikgija, a·dok sorkari-ni ra·gatgimin gital dakbewalo, pilak Aadhar-link ka·gimin sak 66,000 beneficiaryrang, scholarshipni bakko instalment changprakprako man·gen ine minister talate on·aha. Indake dakanichi darangba sengna nanggija, man·a changprakon pilakan tangkarangko man·gen.
Sak 7,902 chatro-chatrirang Aadhar-bank account link ka·anio neng·nikanirangni a·sel scholarshipko man·sokujagipa chatro-chatrirang National Scholarship Portal-oniko June 20, 2025-o sal-15ni gisepo Aadhar link ka·china SMS man·soaha, aro iako dakani ja·mano, NSP uamangna tangkarangko watatgen ine, sorkari ia scholarhsipko man·na nanggipa darangkoba watchangjawa ine agane on·aha.
Da·o Meghalaya Sorkari ia Aadhar link ka·aniko dakna bankrang aro chatro-chatrirang baksa kam ka·enga. On·gimin somoini gisepo link ka·giparang changgipino scholarship watanioba man·sogen.
Re·anggipa Budget Session-o Chief Minister’s Scholarship Scheme-o pangchake post-matric chatro-chatri sakprakna tangka gong 6,000-ko on·dapgen ine u·iataniko on·anio manderangni jajaanirangko minister talate on·angaha. CM Scholarship-ara ma·mongni Umbrella Scholarship-oni dingtanga, ian a·dokni chadamberangna dakchakna aro uamangko tang·doatna sokarini ja·ku de·ani ong·a, uandake ia schemeko namedake a·bachengkuja, aro bimung segatna ru·utgijan u·iataniko dakgen ine ua aganaha.
Na·simang ia video-koba nina man·gen:
Na·simang iakoba poraina man·gen: Selenggipa gas donchakaniko pangkame pindapna ONGC kamko ka·enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
