25.7 C
Tura
spot_img

Second Division robol kal•susaanio Chitoktak aro Ambri A•ding biltinggrika; First Division-o Danakgre goal 5-1-chi Galmak FC-ko chea

Must read

Tura, Jun 11: Mongolbar salo, First aro Second Division-ni robol kal•susaanirangko Tura Chandmary robol kal•chakramo ong•atangaha aro Second Division kal•susaanio Chitoktak YC baksana Ambri A•ding CYC-ni gisepo kal•susaangenba, dolgnian goal-rangko chipgrikna man•jae biltinggrikaiaha.

First Division-ni robol kal•susaanio Danakgre YSCA, Galmak FC baksa kal•susaangskaaha aro uandaken ia kal•susaanio Danakgre YSCA, goal 5-1-chi Galmak FC-ko cheangna gita man•aha.

Advertisement

Second Division-ni robol kal•susaanio, Chitoktak YC aro Ambri A•ding CYC dolgnian goal-rangko chipna krengbee kal•ahaoba, kal•a matchotaona kingkingan goal-rangko chipgrikna man•jae, dolgnian biltinggrikaiaha indiba First Division robol kal•susaaniode Danakgre YSCA dolna robol kal•giparang, ga•subee kal•enba, Galmak FC-ko goal 5-1-chi amchepatna man•skaaha.

Danakgre YSCA-na Richard Ch Marak, Toseng M Sangma aro Tokan Ch Marak, goal-rangko chipe on•aha aro Galmak FC-na goal-sako Wicky Ch Marak chipe on•skaaha.

Advertisement

Indake ong•engon, June 15 tariko Super Division-ni final match-ko ong•atna manchisogiminko dingtang dingtang a•selrangni gimin re•baenggipa June 22 tarikona ra•doatskaaha ine robol kal•susaaniko ong•atenggipa official-rang u•iataha.

Super Division-ni final kal•susaaniko, Chipakkore FC aro Selsella SA dolni gisepo kal•na gita sienga aro ia kal•susaaniko June-ni 22 tarik attam 6:00 baji dipet a•bachengatna sienga.

Na·simang ia video-koba nina man·gen: 

Na·simang iakoba poraina man·gen: Assam-o bilsi 23 ong•gipa me•chikko goe so•ota

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article