25.7 C
Tura
spot_img

HNLC-ni sleeper cell membor-rangko Ri-Bhoi police-rang rim•a

Must read

Nongpoh, June 11 : Ri-Bhoi a•jani police-rang, champenggimin dol Hynniewtrep National Liberation Council (HNLC) dolni, Shillong songjinmao aro Ri-Bhoi a•jani Mawhati-Umroi donggipa sleeper cell-ko chu•gimik nosto ka•e galaha. Ia am•sandie nianiko bang•a ra•seke ra•ani aro bang•a manderangna dabiani chittirangko watani jaman dakataha.

Advertisement

Ia operation ba am•sandie nianiko June jani 10 tariko, Police Headquarter-ni Special Team aro Ri-Bhoi District Executive Force (DEF) dol apsan bakrimenba ong•ataha, jeon HNLC sleeper cell-ni sak 3 manderangko rim•na gita man•aha.

Advertisement

Rim•ako man•gipa manderangara, Bluwel Sohtun-ni bilsi 25 ong•gipa depante, Cyfrank Paul Pariat aro Risalin Marsing-ni bilsi 23 ong•gipa segipa Kitbok Mujai ong•achim, iamang sakgnian Ri-Bhoi a•jani Ummat songoni ong•achim. Rim•a man•giparangoni sakgipinara Nelisha Nongbri-ni bilsi 49 ong•gipa segipa Barnabas Lyngdoh ong•achim aro uan Ri-Bhoi a•jani Khyndewsoo minggipa biaponi ong•skaachim.

Advertisement

Iarang sakprakan dingtang dingtang kamrang jekai doltangona mande napatani, tangka paisani gita dakchakani aro dolni miksonganirangko giproroatani kamrangko jako ra•e ka•giparang ong•achim. Knaani gitade uamang re•anggipa bilsio skie ra•aniko dakna Bangladesh-onaba re•angaha. Police dolrang, UAPA Section 120B/506-ni ning•o (Umiam PS Case No 46(06)2024) case-ko segataha. HNLC dolni gipin member-rangko ma•sina gita aro rim•na gita am•sadie nianirangko dakengkua.

Advertisement

Ri-Bhoi a•jani Superintendent of Police, IPS Jagpal Singh Dhanoa, pilak a•jao songdonggipa manderangko ia indakgipa dabianirangna bame on•jachina aro ta•raken iarangni bidingo kobor man•ode police dolrangna u•iatchina gitaba didianiko dakangaha.

Na·simang ia video-koba nina man·gen: 

Na·simang iakoba poraina man·gen: Second Division robol kal•susaanio Chitoktak aro Ambri A•ding biltinggrika; First Division-o Danakgre goal 5-1-chi Galmak FC-ko chea

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article