Tura, Nov 28: Chang 4-gipa Me•gong Festival 2024-ko, November 29 aro 30 tariko West Garo Hills a•jani Jengjal Baljek Airport-o ong•atna siengon, jinmani naljokanina aro gari jachange donganiko champengna gita Tura West Garo Hills a•jani District Magistrate, Section 163 BNSS-ni ning•o dal•dalgipa garirangko Snalgre-oni Tura jillani NH 51-gita, 2024 bilsini November 29 tarikni pring 6 bajioni December 1 tarikni pring 6 bajiona kingking re•ruraaniko champengatna ge•etaniko on•angaha.
Una agreba, Snalgre-oni Tura-ni NH-51 ramarango National Highways and Infrastructure Development Corporation Limited (NHIDCL) aro Public Works Department (PWD)-ni gita rika cho•ani kamrang jeon jregipa ba dal•gipa gari ba machine-rangko jakkalna gita nangachim uandakgipa pilak kamrangko November jani 29 tarikni pring 6 bajioni December 1 tarikni pring 6 bajiona dontongatchina gitaba ge•etaniko on•angaha.
Ia on•gimin ge•etanirangko saoba man•gija re•badeaniko dakgenchim ong•ode uamangni kosako BNS section 223-ni ning•o niamni gita ja•ku de•aniko dakanggen ineba u•iatangaha. Indake ong•engon, nangchongmotana jakkalgipa garirang jekai ambulance, fire service aro police dolrangnade ia ge•etanio nangejawa.
Pilak authority-ni manderang aro iano bak nanggipa officer-rang sakantikon ia on•gimin ge•etanirangko chu•sokatna gita name nirok sandian baksana check point-rangko donchina gitaba ge•etangaha.
Na·simang ia video-koba nina man·gen:
Na·simang iakoba poraina man·gen: Community Public Private Partnership program-ko Skotong Minister a•bachengate on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
