Shillong, Jan 19: Seng Samla Mawlai Pyllun-ni bilsi 20 gapaniko maniani bak gita Sombar pringo, Meghalaya a•dokni Chief Minister Conrad K Sangma, Khasi Traditional Mural-ko Mawlai Mawiong Rim-ni Rymbai Fuel Station-o oprake on•angaha.
Ia program-ko ong•atanio a•dokni Chief Minister, tom•anio bak ra•giparangna aganprakengon, Mawlai-na dangdike on•anio bilsi 20 gapahani gimin Mawlai Pyllun-ni Seng Samla-na an•tangni namgipa skaniko on•angenba, sorkarini mongsonggipa miksonganian songsalo dingtang dingtang gadangni manderangna simsak nirokaniko on•anian ong•a ine parakangaha.
Songsalo chadamberangan mongsongbatgipa bak ong•a aro Seng Samla gita dakgipa chadamberangni dolrangan, a•dokna namen nangchongmotgiparang ong•a ineba ua aganaha.
Chadamberangna sorkarini on•enggipa dingtang dingtang scheme aro program-rangko an•tangtangni namgnina ra•china chadamberangko didiangengon, ia sal somoirango pilak kamrangon susana nanggipa ong•ahani gimin an•tangtangna on•gimin bilrangko chel•chakna niamrangosan pangchakaigija a•gilsako nambatgiparang ong•na gita an•tangtangko tarichina Chief Minister ku•pattiangaha.
Na·simang iakoba nina man·gen:
Na·simang iakoba poraina man·gen: Salgro Salaram joloni Assam a·dokan, World Economic Forum-o bak ra·chenggipa ong·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
