Shillong, Feb 26: Batanggimin February jani 26 tariko, 1913 bilsio boloniko rikgipa, Shillong Bar Association-ni Assam Type office nokko wa•al kamani chongmot a•selko u•ina man•a gita am•sandianiko dakenga inenba Skotong Minister Conrad K Sangma parakataha.
“Ia nokdringni ning•o donggipa pilak bostu aro gamrangko wa•al kamenba nisiataha aro iani chong•mot a•selko u•ina gita February jani 26 tarikoni am•sandianiko dakanggen aro chu•gimik report-ko man•ahaon, ia report-rangko a•dok sorkarina on•anggen” inenba Sangma, Assembly-o aganangaha.
Indake, ia wa•al kame a•sel ong•ani koborko, Shillong-ni control room-oniko walni 10:15 bajimango man•soaha ineba ua u•iataha.
Ia a•sel ong•chakram biapona IGP (F&ES) Meghalaya, Shillong-ni sokbaon, Shillong Bar Office nokko taraken wa•al kamgopengahachim aro sepang jolo dongenggipa building chong•motan, CJM Court, PHQ, PHQ-ni Engineering Wing Department-rangnaba kenbegni ong•engaha ine nikahani gimin, ia building-rangko wa•al kamaoniko chelchaksoe naljokatna gita, wa•al kimitgipa dolrang krenge kamko ka•enba konta bri mangni gisepon wa•alko kimitna man•aha.
Ia wa•al kimitanio, Shillong Municipal Board-ni gitaba chi tank gniko on•enba dakchakaha aro unbaksana, ge 45 mangni gita chi tank-rangko jakkalaha ineba ua janapataha.
Una agreba, ia wa•alko kimitanio dakchakpana gita, SOT dolrang, SDRF, SDMA-ni official-rang, a•jani police department-ni Officer-rang aro administration-rangba dongpaaha.
Shillong Bar Association-ni peon-ni aganani gitade, ia a•sel bijoli silitingni jronganichi wa•al ching•chaoahakon inenba chanchipenga aro ia a•sel ong•anio, darangba saknaatako man•a dongja ineba CM agandapataha.
Na·simang iakoba poraie nina man·gen: GHADC-o Kam ka•giparang sal 3 na kamrangko dondikate jingjengatenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
