Tura, Feb 26: GHADC-o kam ka•giparangni man•na nanggipa dormahani gimin sorkarini aganchakaniko adita antirangna sengoba maming ka•dongatani kattarang dongjani gimin, sak ritchana batpile Garo Hills Autonomous District Council-o kam ka•giparang sal 3 na kamrangko da•aloni dondikate jingjengataniko da•loni abachengataha.
Non Gazetted Employees Association- ni chakpaaniko man•e, pilak GHADC-o kam ka•giparang Te•teng A•jani ni Tura Government College field ona jingjengataniko abachengatna tom•aniko dakangaha.
Banner ba placard-rang o, uamangni ja 32 na man•kugijagipa dormaharangko on•china see jinmana me•sokenba, Non Gazetted Employees Association- ni dilgiparang ” changni chang chinga Council Executive Committee rangko man•a nanggipa dormaharangko on•china molmolaniko dakaha indiba maming ku•rachakani ba ka•dongani kattarang da•ona kingkingba dongjani a•selo sombar saloni jingjengataniko dakna draatako chinga man•aha” ine aganangaha.
Indake Non Gazetted Employees Association ni dilgipa saksa Brithin M Sangma jegalaniko dakgiparangna agankupatianiko dakangenba, bebe gita Council authority-rang ia ong•enggipa nengnikani gimin agangrikna okamode chinga golpona reanggen ine jinmana aganangaha.
GHADC –o kam ka•giparang sal 3 na a•songe jegalaniko salni 10 bajioni attam 4 bajiona dakanggen.
KamKa•giparangrang kamrangko dondikatani a•selo kamrang dondikatako man•e kam ka•chakani table rang aro kuturirang bangbang ong•tokaha, uasan ong•aigija bang•bea kajinna rangko man•rikna gita ba man•jaha mongsongbate a•a aro chi ni kajinnarang.
Ia jegalaniko uamang college field o ong•atangskaenga maina, GHADC office mikkango jegalaniko dakna West Garo Hills District Administration champenganiko dakataha.
Na·simang ia video-koba nina man·gen:
Na·simang iakoba poraie nina man·gen: BJP party, ED, IT aro CBI-rangko jakkalenba Opposition dilgiparangko nisan ka•aenga ine Assam Congress matnanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
